sharik-e-soz-e-darun jab se ho gae alfaz

sharīk-e-soz-e-darūñ jab se ho ga.e alfāz

nava-e-dard meñ sho.ale piro ga.e alfāz

sunā ke dāstāñ dil-doz vārdātoñ kī

na jaane kitnoñ ke dāman bhigo ga.e alfāz

kabhī kabhī to kuchh aisā bhī ittifāq huā

taḌap ke jaag uThe armāñ to so ga.e alfāz

milī na jab unheñ iblāġh kī tavānā.ī

to aap apne muqaddar ko ro ga.e alfāz

uThe to saare zamāne kī ban ga.e āvāz

dabe to aabrū apnī Dubo ga.e alfāz

ḳhatīb-e-shahr ne kī baat dostī kī magar

diloñ meñ tuḳhm adāvat ke bo ga.e alfāz

ġhazal-sarā.ī-e-'manshā' pe yuuñ huā mahsūs

ki jaise ruuh ke andar samo ga.e alfāz

sharik-e-soz-e-darun jab se ho gae alfaz

nawa-e-dard mein shoale piro gae alfaz

suna ke dastan dil-doz wardaton ki

na jaane kitnon ke daman bhigo gae alfaz

kabhi kabhi to kuchh aisa bhi ittifaq hua

taDap ke jag uThe arman to so gae alfaz

mili na jab unhen iblagh ki tawanai

to aap apne muqaddar ko ro gae alfaz

uThe to sare zamane ki ban gae aawaz

dabe to aabru apni Dubo gae alfaz

KHatib-e-shahr ne ki baat dosti ki magar

dilon mein tuKHm adawat ke bo gae alfaz

ghazal-sarai-e-'mansha' pe yun hua mahsus

ki jaise ruh ke andar samo gae alfaz