sharm aati hai aankh bhar ke unhen

sharm aatī hai aañkh bhar ke unheñ

naaz apne hī ḳhud uThāte haiñ

dard kī bhī zabān hotī hai

kuchh ḳhamoshī se lab jatāte haiñ

baat kahne kī kah nahīñ sakte

bojh dil par hī vo uThāte haiñ

un ko dekhe binā na dil maane

ḳhvāb āñkhoñ meñ hī sajāte haiñ

ik hayā hī to chiiz aisī hai

varna dil pāsh-pāsh hote haiñ

sharm kī oḌh lī hai chādar jab

be-sabab tum ko kyoñ manāte haiñ

sharm aisī bhī kyoñ kiyā kiije

dard āñkhoñ se hī bahāte haiñ

shāḳh se phuul toḌ kar sonā

dushmanī kis tarah nibhāte haiñ

sharm aati hai aankh bhar ke unhen

naz apne hi KHud uThate hain

dard ki bhi zaban hoti hai

kuchh KHamoshi se lab jatate hain

baat kahne ki kah nahin sakte

bojh dil par hi wo uThate hain

un ko dekhe bina na dil mane

KHwab aankhon mein hi sajate hain

ek haya hi to chiz aisi hai

warna dil pash-pash hote hain

sharm ki oDh li hai chadar jab

be-sabab tum ko kyon manate hain

sharm aisi bhi kyon kiya kije

dard aankhon se hi bahate hain

shaKH se phul toD kar sona

dushmani kis tarah nibhate hain