sharminda apni jeb ko karta nahin hun main

sharminda apnī jeb ko kartā nahīñ huuñ maiñ

bāzār-e-ārzū se guzartā nahīñ huuñ maiñ

pahchān hī na pā.ūñ ḳhud apne hī aks ko

itnā bhī aa.ine meñ sañvartā nahīñ huuñ maiñ

un kāmoñ kī banātā huuñ fihrist baar baar

jo kaam mujh ko karne haiñ kartā nahīñ huuñ maiñ

sharminda apni jeb ko karta nahin hun main

bazar-e-arzu se guzarta nahin hun main

pahchan hi na paun KHud apne hi aks ko

itna bhi aaine mein sanwarta nahin hun main

un kaamon ki banata hun fihrist bar bar

jo kaam mujh ko karne hain karta nahin hun main