shart-e-ulfat hai ki har naz uThaya jae

shart-e-ulfat hai ki har naaz uThāyā jaa.e

lab pe ik harf-e-shikāyat bhī na laayā jaa.e

aaj tak jis ne har ik gul kī hifāzat kī hai

kyoñ usī ḳhaar se dāman ko bachāyā jaa.e

shiddat-e-ranj-o-alam se nikal aa.eñ aañsū

kisī majbūr ko itnā na satāyā jaa.e

fā.eda kyā hai bhalā ishq kī rusvā.ī se

kyoñ ye afsāna zamāne ko sunāyā jaa.e

shart-e-ulfat hai ki har naz uThaya jae

lab pe ek harf-e-shikayat bhi na laya jae

aaj tak jis ne har ek gul ki hifazat ki hai

kyon usi KHar se daman ko bachaya jae

shiddat-e-ranj-o-alam se nikal aaen aansu

kisi majbur ko itna na sataya jae

faeda kya hai bhala ishq ki ruswai se

kyon ye afsana zamane ko sunaya jae