shauq ka rang bujh gaya yaad ke zaKHm bhar gae

shauq kā rañg bujh gayā yaad ke zaḳhm bhar ga.e

kyā mirī fasl ho chukī kyā mire din guzar ga.e

rah-guzār-e-ḳhayāl meñ dosh-ba-dosh the jo log

vaqt kī gard-bād meñ jaane kahāñ bikhar ga.e

shaam hai kitnī be-tapāk shahr hai kitnā sahm-nāk

ham-nafaso! kahāñ ho tum jaane ye sab kidhar ga.e!

pās-e-hayāt kā ḳhayāl ham ko bahut burā lagā

pas ba-hujūm-e-ma.arka jaan ke be-sipar ga.e

maiñ to safoñ ke darmiyāñ kab se paḌā huuñ nīm-jāñ

mere tamām jāñ-nisār mere liye to mar ga.e

shauq ka rang bujh gaya yaad ke zaKHm bhar gae

kya meri fasl ho chuki kya mere din guzar gae

rah-guzar-e-KHayal mein dosh-ba-dosh the jo log

waqt ki gard-baad mein jaane kahan bikhar gae

sham hai kitni be-tapak shahr hai kitna sahm-nak

ham-nafaso! kahan ho tum jaane ye sab kidhar gae!

pas-e-hayat ka KHayal hum ko bahut bura laga

pas ba-hujum-e-marka jaan ke be-sipar gae

main to safon ke darmiyan kab se paDa hun nim-jaan

mere tamam jaan-nisar mere liye to mar gae