aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

rang hai ai saqi-e-sarshaar qiasar-bagh mein

Wazir Ali Saba Lakhnavi

rang hai ai saqi-e-sarshaar qiasar-bagh mein

Wazir Ali Saba Lakhnavi

MORE BYWazir Ali Saba Lakhnavi

    rañg hai ai sāqī-e-sarshār qiasar-bāġh meñ

    phuul piite haiñ tire mai-ḳhvār qiasar-bāġh meñ

    dekh kar rañgīñ tirā ruḳhsār qaisar-bāġh meñ

    gul se bulbul ho ga.e bezār qaisar-bāġh meñ

    saath hai ik ġhairat-e-gulzār qaisar-bāġh meñ

    bulbuloñ ko de rahe haiñ ḳhaar qaisar-bāġh meñ

    bāteñ bulbul ko sunā shaidā-e-ruḳh gul ko banā

    kabk ko chal kar dikhā raftār qiasar-bāġh meñ

    sūrat-e-idrīs jannat se nikalte haiñ kahīñ

    ab to laayā tāla-e-bedār qaisar-bāġh meñ

    shāhid-e-gul motiyoñ meñ lad rahe haiñ āj-kal

    abr-e-tar rahtā hai gauhar-bār qaisar-bāġh meñ

    bulbuleñ gul se ḳhafā hoñ qumriyāñ shamshād se

    sair ho chaliye jo aap ai yaar qaisar-bāġh meñ

    kis tarah hūroñ ko kar ḳhuld se dikhlā.iye

    kyā bahār aa.ī hai ab ke baar qaisar-bāġh meñ

    dekh paa.eñ mere siine ke agar gul-hā-e-dāġh

    bulbuleñ hoñgī gale haar qaisar-bāġh meñ

    mausam-e-gul meñ yahīñ josh-e-junūñ hai bahār

    rañg kar ā.eñge sau baar qaisar-bāġh meñ

    ai sanam allāh re jalva tirā hairat-fazā

    but bane haiñ sāhib-e-zunnār qaisar-bāġh meñ

    vo maraz kho.e tabīboñ bhī āñkheñ khul ga.iiñ

    hai masīhā nargis-e-bīmār qaisar-bāġh meñ

    ḳhuld meñ aa kar sharāb-e-ḳhuld se bhī ijtināb

    jām-e-mai se zāhidā inkār qaisar-bāġh meñ

    qāmat-e-bālā rutba hai do-bālā sarv se

    turra hai sumbul pe zulf-e-yār qaisar-bāġh meñ

    daur meñ sultān-e-ālam haiñ ye kaifiyyateñ

    ġhairat-e-jam hai har ik mai-ḳhvār qaisar-bāġh meñ

    dekh kar rū-e-musaffā yaar hairat huī

    aa.ine haiñ pusht-bar-dīvār qiasar-bāġh meñ

    hai pa.e abr-e-bahārī ye mahall-e-ābrū

    aa.e zer-e-sāya-e-dīvār qaisar-bāġh meñ

    dekh kar tere ruḳh-e-rañgīñ ko ai rashk-e-bahār

    gul hue haiñ bāġhbāñ par baar qaisar-bāġh meñ

    jā.iye vaqt-e-masīhā.ī hai ai rūh-e-ravāñ

    muntazir hai nargis-e-bīmār qiasar-bāġh meñ

    tujh se aur gul se huī bahs-e-jamāl ai ġhuncha-lab

    mujh se bulbul se huī takrār qaisar-bāġh meñ

    nik.hat-e-gul se 'sabā' ham mast rahte haiñ mudām

    bāda-e-gul-gūñ nahīñ darkār qiasar-bāġh meñ

    rang hai ai saqi-e-sarshaar qiasar-bagh mein

    phul pite hain tere mai-KHwar qiasar-bagh mein

    dekh kar rangin tera ruKHsar qaisar-bagh mein

    gul se bulbul ho gae bezar qaisar-bagh mein

    sath hai ek ghairat-e-gulzar qaisar-bagh mein

    bulbulon ko de rahe hain KHar qaisar-bagh mein

    baaten bulbul ko suna shaida-e-ruKH gul ko bana

    kabk ko chal kar dikha raftar qiasar-bagh mein

    surat-e-idris jannat se nikalte hain kahin

    ab to laya tala-e-bedar qaisar-bagh mein

    shahid-e-gul motiyon mein lad rahe hain aaj-kal

    abr-e-tar rahta hai gauhar-bar qaisar-bagh mein

    bulbulen gul se KHafa hon qumriyan shamshad se

    sair ho chaliye jo aap ai yar qaisar-bagh mein

    kis tarah huron ko la kar KHuld se dikhlaiye

    kya bahaar aai hai ab ke bar qaisar-bagh mein

    dekh paen mere sine ke agar gul-ha-e-dagh

    bulbulen hongi gale ka haar qaisar-bagh mein

    mausam-e-gul mein yahin josh-e-junun ki hai bahaar

    rang la kar aaenge sau bar qaisar-bagh mein

    ai sanam allah re jalwa tera hairat-faza

    but bane hain sahib-e-zunnar qaisar-bagh mein

    wo maraz khoe tabibon ki bhi aankhen khul gain

    hai masiha nargis-e-bimar qaisar-bagh mein

    KHuld mein aa kar sharab-e-KHuld se bhi ijtinab

    jam-e-mai se zahida inkar qaisar-bagh mein

    qamat-e-baala ka rutba hai do-baala sarw se

    turra hai sumbul pe zulf-e-yar qaisar-bagh mein

    daur mein sultan-e-alam ki hain ye kaifiyyaten

    ghairat-e-jam hai har ek mai-KHwar qaisar-bagh mein

    dekh kar ru-e-musaffa yar ka hairat hui

    aaine hain pusht-bar-diwar qiasar-bagh mein

    hai pae abr-e-bahaari ye mahall-e-abru

    aae zer-e-saya-e-diwar qaisar-bagh mein

    dekh kar tere ruKH-e-rangin ko ai rashk-e-bahaar

    gul hue hain baghban par bar qaisar-bagh mein

    jaiye waqt-e-masihai hai ai ruh-e-rawan

    muntazir hai nargis-e-bimar qiasar-bagh mein

    tujh se aur gul se hui bahs-e-jamal ai ghuncha-lab

    mujh se bulbul se hui takrar qaisar-bagh mein

    nikhat-e-gul se 'saba' hum mast rahte hain mudam

    baada-e-gul-gun nahin darkar qiasar-bagh mein

    Source:

    Ghuncha-e-Arzu (Pg. ebook-100 page-102)

    • Author: Wazir Ali Saba Lakhnavi
      • Edition: 1856
      • Publisher: Matba Mohammadi, Lucnow
      • Year of Publication: 1856

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now