sher daulat hai kahan ki daulat
sher daulat hai kahāñ kī daulat
maiñ ġhanī huuñ to zabāñ kī daulat
saikḌoñ ho ga.e sāhib-dīvāñ
merī taqrīrī o bayāñ kī daulat
sair-e-mahtāb kar aa.e ham bhī
baare is āb-e-ravāñ kī daulat
zaḳhm kyā kyā mire tan par aa.e
terī shamshīr o sināñ kī daulat
huī mahbūs-e-qafas bulbul ne
rañj dekhā ye ḳhizāñ kī daulat
koī navvāb ke ghar kā hai ġhulām
koī paltā.e hai ḳhaañ kī daulat
'mus.hafī' par hai tirā karr-o-farr
sāhib-e-ālamiyāñ kī daulat
sher daulat hai kahan ki daulat
main ghani hun to zaban ki daulat
saikDon ho gae sahib-diwan
meri taqriri o bayan ki daulat
sair-e-mahtab kar aae hum bhi
bare is aab-e-rawan ki daulat
zaKHm kya kya mere tan par aae
teri shamshir o sinan ki daulat
hui mahbus-e-qafas bulbul ne
ranj dekha ye KHizan ki daulat
koi nawwab ke ghar ka hai ghulam
koi paltae hai KHan ki daulat
'mushafi' par hai tera karr-o-farr
sahib-e-alamiyan ki daulat
- Book : kulliyat-e-mas.hafii(divan-e-soom) (Pg. 79)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
