sher-o-suKHan ki us mahfil mein sab se chhoTe hum hi the

sher-o-suḳhan kī us mahfil meñ sab se chhoTe ham hī the

sab se ūñche mansab vaale khoTe sikke ham hī the

yaad hameñ hai tum bhī socho vaqt paḌā jab urdu par

sab the uljhī bhāshā vaale urdu vaale ham hī the

daulat shohrat hikmat vaale sab haiñ tere dam ke saath

duniyā terī saarī raunaq chhoḌ ke baiThe ham hī the

TuuT chuke sab rishte naate aage pīchhe rāheñ thiiñ

terā ban ke rahne vaale māre-bāñdhe ham hī the

duniyā ham se letī kyā aur ham duniyā ko dete kyā

sab the sīdhe-sāde buzdil āḌe-tirchhe ham hī the

ham the apne aage pīchhe aur nazar meñ koī na thā

aisā surma 'anvar' apnī aañkh meñ Daale ham hī the

sher-o-suKHan ki us mahfil mein sab se chhoTe hum hi the

sab se unche mansab wale khoTe sikke hum hi the

yaad hamein hai tum bhi socho waqt paDa jab urdu par

sab the uljhi bhasha wale urdu wale hum hi the

daulat shohrat hikmat wale sab hain tere dam ke sath

duniya teri sari raunaq chhoD ke baiThe hum hi the

TuT chuke sab rishte nate aage pichhe rahen thin

tera ban ke rahne wale mare-bandhe hum hi the

duniya hum se leti kya aur hum duniya ko dete kya

sab the sidhe-sade buzdil aaDe-tirchhe hum hi the

hum the apne aage pichhe aur nazar mein koi na tha

aisa surma 'anwar' apni aankh mein Dale hum hi the