shiddat-e-dard mein ehsas ka kirdar miyan

shiddat-e-dard meñ ehsās kā kirdār miyāñ

apne hone meñ kahāñ ḳhud kā hai iz.hār miyāñ

ham bhī kho Daal rahe haiñ ki badal jaa.eñ zarā

aql-e-bebas kī sune dil nahīñ tayyār miyāñ

DhūñD kuchh log muqābil huuñ jahāñ maiñ tere

shar-e-nāqis meñ kahāñ ham se haiñ ġham-ḳhvār miyāñ

gungunā bazm-e-jahāñ shahd shakar shahd shakar

baat rakhte haiñ laboñ par ki haiñ auzār miyāñ

jhuuT ko jhuuT kahūñ sach ko kahūñ sach lekin

aa ulajhtī hai mire sar koī talvār miyāñ

aañkh kholūñ to nazar aa.eñ añdhere kyuuñ kar

sab ujāle haiñ mirī niiñd ke bīmār miyāñ

shiddat-e-dard mein ehsas ka kirdar miyan

apne hone mein kahan KHud ka hai izhaar miyan

hum bhi kho Dal rahe hain ki badal jaen zara

aql-e-bebas ki sune dil nahin tayyar miyan

DhunD kuchh log muqabil hun jahan main tere

shar-e-naqis mein kahan hum se hain gham-KHwar miyan

gunguna bazm-e-jahan shahd shakar shahd shakar

baat rakhte hain labon par ki hain auzar miyan

jhuT ko jhuT kahun sach ko kahun sach lekin

aa ulajhti hai mere sar koi talwar miyan

aankh kholun to nazar aaen andhere kyun kar

sab ujale hain meri nind ke bimar miyan