shīsha-e-dil dukān meñ aayā
pattharoñ kī amaan meñ aayā
ham the sahrā maiñ tab ba-mushkil vo
apne kamre se lawn meñ aayā
uf vo sadiyāñ ki zehn se guzrīñ
uf vo lamha ki dhyān meñ aayā
mujh sā ehsās aur mujh sā junūn
kab kisī naujavān meñ aayā
mujh sā sahrā-navard-o-saudā.ī
kab har ik ḳhāndān meñ aayā
sach batā tab.a-e-hāshiya-ārā
kyuuñ ye vaqfa bayān meñ aayā
jaane kyā kyā ḳhayāl se niklā
jaane kyā kyā gumān meñ aayā
shisha-e-dil dukan mein aaya
pattharon ki aman mein aaya
hum the sahra main tab ba-mushkil wo
apne kamre se lawn mein aaya
uf wo sadiyan ki zehn se guzrin
uf wo lamha ki dhyan mein aaya
mujh sa ehsas aur mujh sa junun
kab kisi naujawan mein aaya
mujh sa sahra-naward-o-saudai
kab har ek KHandan mein aaya
sach bata taba-e-hashiya-ara
kyun ye waqfa bayan mein aaya
jaane kya kya KHayal se nikla
jaane kya kya guman mein aaya
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.