shikast khane se pahle hi tujhse haar gaya
shikast khāne se pahle hī tujh se haar gayā
vo shaḳhs vaqt se pahle hī mujh ko maar gayā
guzar chukā huuñ magar dekhne ko zinda huuñ
vo ek tiir sā dil meñ mire utaar gayā
maiñ apnī āñkheñ use daan kar chukā huuñ magar
jo apnā pyaar mire 'ishq pe thā vaar gayā
qarār DhūñDne vaalā qarār se pahle
vo apnā vā'da-e-fardā bhī thā nisār gayā
palaTte vaqt jise hausla maiñ detā rahā
vo rote rote ka.ī baar thā pukār gayā
shikast khane se pahle hi tujh se haar gaya
wo shaKHs waqt se pahle hi mujh ko mar gaya
guzar chuka hun magar dekhne ko zinda hun
wo ek tir sa dil mein mere utar gaya
main apni aankhen use dan kar chuka hun magar
jo apna pyar mere 'ishq pe tha war gaya
qarar DhunDne wala qarar se pahle
wo apna wa'da-e-farda bhi tha nisar gaya
palaTte waqt jise hausla main deta raha
wo rote rote kai bar tha pukar gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
