shikasta-dil tha par aisa nahin tha

shikasta-dil thā par aisā nahīñ thā

maiñ apne aap meñ simTā nahīñ thā

daraḳhtoñ ke ghane saa.e meñ rah kar

chamaktī dhuup ko bhūlā nahīñ thā

dar-o-dīvār mere muntazir the

magar maiñ lauT kar aayā nahīñ thā

bahut se log mujh se multafit the

kisī kī samt maiñ lapkā nahīñ thā

dabe paañv vahī dar aayā dil meñ

ki jis kā duur tak khaTkā nahīñ thā

jise ik umr kā hāsil samajhtā

mire jīvan meñ vo lamha nahīñ thā

shikasta-dil tha par aisa nahin tha

main apne aap mein simTa nahin tha

daraKHton ke ghane sae mein rah kar

chamakti dhup ko bhula nahin tha

dar-o-diwar mere muntazir the

magar main lauT kar aaya nahin tha

bahut se log mujh se multafit the

kisi ki samt main lapka nahin tha

dabe panw wahi dar aaya dil mein

ki jis ka dur tak khaTka nahin tha

jise ek umr ka hasil samajhta

mere jiwan mein wo lamha nahin tha