shikoh-e-ab mein gum the jihat-nishan mere

shikoh-e-āb meñ gum the jihat-nishāñ mere

havā ne rakh diye tah kar ke bādbāñ mere

sahar ko saath uḌā le ga.ī sabā jaise

ye kis ne kar diye raste dhuāñ dhuāñ mere

tire ishāra-e-abrū pe rut badaltī hai

bahār hai na tasallut meñ hai ḳhizāñ mere

utarne vaale safīnoñ meñ chhed karte ga.e

Dubo ga.e mujhe sāhil pe mehrbāñ mere

khilā shagūfa-e-ġham shāḳh-e-umr par 'sayyad'

mahak rahe haiñ sar-e-harf jism-o-jāñ mere

shikoh-e-ab mein gum the jihat-nishan mere

hawa ne rakh diye tah kar ke baadban mere

sahar ko sath uDa le gai saba jaise

ye kis ne kar diye raste dhuan dhuan mere

tere ishaara-e-abru pe rut badalti hai

bahaar hai na tasallut mein hai KHizan mere

utarne wale safinon mein chhed karte gae

Dubo gae mujhe sahil pe mehrban mere

khila shagufa-e-gham shaKH-e-umr par 'sayyad'

mahak rahe hain sar-e-harf jism-o-jaan mere