shikwa awwal to be-hisab kiya
shikva avval to be-hisāb kiyā
aur phir band hī ye baab kiyā
jānte the badī avaam jise
ham ne us se bhī ijtināb kiyā
thī kisī shaḳhs kī talāsh mujhe
maiñ ne ḳhud ko hī intiḳhāb kiyā
ik taraf maiñ huuñ ik taraf tum ho
jaane kis ne kise ḳharāb kiyā
āḳhir ab kis kī baat mānūñ maiñ
jo milā us ne lā-javāb kiyā
yuuñ samajh tujh ko muztarib pā kar
maiñ ne iz.hār-e-iztirāb kiyā
shikwa awwal to be-hisab kiya
aur phir band hi ye bab kiya
jaante the badi awam jise
hum ne us se bhi ijtinab kiya
thi kisi shaKHs ki talash mujhe
main ne KHud ko hi intiKHab kiya
ek taraf main hun ek taraf tum ho
jaane kis ne kise KHarab kiya
aaKHir ab kis ki baat manun main
jo mila us ne la-jawab kiya
yun samajh tujh ko muztarib pa kar
main ne izhaar-e-iztirab kiya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
