shikwa sun kar jo mizaj-e-but-e-bad-KHu badla
shikva sun kar jo mizāj-e-but-e-bad-ḳhū badlā
ham ne bhī saath hī taqrīr kā pahlū badlā
kahiye to kis ke phañsāne kī ye tadbīreñ haiñ
aaj kyuuñ chīñ-ba-jabīñ se ḳham-e-gesū badlā
ik tirā rabt ki do din kabhī yaksāñ na rahā
ik mirā haal ki hargiz na sar-e-mū badlā
un hasīnoñ hī ko zebā hai talavvun ai dil
haañ ḳhabar-dār jo bhūle se kabhī tū badlā
dil-e-muztar kī taḌap se jo maiñ taḌpā 'beḳhud'
chāra-gar ḳhush haiñ ki bīmār ne pahlū badlā
shikwa sun kar jo mizaj-e-but-e-bad-KHu badla
hum ne bhi sath hi taqrir ka pahlu badla
kahiye to kis ke phansane ki ye tadbiren hain
aaj kyun chin-ba-jabin se KHam-e-gesu badla
ek tera rabt ki do din kabhi yaksan na raha
ek mera haal ki hargiz na sar-e-mu badla
un hasinon hi ko zeba hai talawwun ai dil
han KHabar-dar jo bhule se kabhi tu badla
dil-e-muztar ki taDap se jo main taDpa 'beKHud'
chaara-gar KHush hain ki bimar ne pahlu badla
- Book : Intekhab-e-Sukhan(Jild-2) (Pg. 183)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
