shitabi apne diwane ko kar band

shitābī apne dīvāne ko kar band

musalsal zulf se kar yā nazar-band

tirā shaidā na Thahrā jaañ sā ik dam

gayā le coat meñ lohe ke kar band

jo tujh par aur ko tarjīh de dekh

bas us andhe kī āñkheñ haiñ magar band

taḌaptā be-qarārī āh-o-zārī

huiiñ ye hālateñ kyūñkar satar-band

hai sho.ala aag kā har aah ke saath

ye dil hai yā hai siine meñ sharar band

piyāre Dar ḳhudā se apnī āñkheñ

hamārī tarf se itnī na kar band

tujhe ḳhurshīd-rū, jī bhar ke dekhūñ

huī jaatī hai merī aañkh par band

azīzo misr-e-dil kī raah hai duur

rah-e-zulmāt meñ haigā ye dar band

jo chāhe do jahāñ kā kaam legā

hai bāñdhā jis ne himmat kā qamar-bañd

raho Tuk 'azfarī' ab chashm khole

raheñgī aañkh phir shām-o-sahar band

shitabi apne diwane ko kar band

musalsal zulf se kar ya nazar-band

tera shaida na Thahra jaan sa ek dam

gaya le coat mein lohe ke kar band

jo tujh par aur ko tarjih de dekh

bas us andhe ki aankhen hain magar band

taDapta be-qarari aah-o-zari

huin ye haalaten kyunkar satar-band

hai shoala aag ka har aah ke sath

ye dil hai ya hai sine mein sharar band

piyare Dar KHuda se apni aankhen

hamari tarf se itni na kar band

tujhe KHurshid-ru, ji bhar ke dekhun

hui jati hai meri aankh par band

azizo misr-e-dil ki rah hai dur

rah-e-zulmat mein haiga ye dar band

jo chahe do jahan ka kaam lega

hai bandha jis ne himmat ka qamar-band

raho Tuk 'azfari' ab chashm khole

rahengi aankh phir sham-o-sahar band