shoala-e-ah ne sikha hai jalana dil ka

sho.ala-e-āh ne sīkhā hai jalānā dil kā

nahīñ miltā hai jo pahlū meñ Thikānā dil kā

shoḳhiyāñ ā.eñgī baḌhne do abhī sin un kā

zulf-e-pur-pech sikhā degī phañsānā dil kā

na.e andāz se lete haiñ vo dil āshiq kā

ravish-e-nāz se sīkhā hai churānā dil kā

sūrat-e-barg-e-hinā kis ne banāyā tum ko

pesh kar paa.e nigārīñ meñ lagānā dil kā

kyā mujhe dasht-navardī kā mazā detā hai

justujū meñ tirī yuuñ ḳhaak uḌānā dil kā

kyā ḳhabar thī vo pa.e sair idhar aa.egā

sīkhtā parda-e-pahlū meñ chhupānā dil kā

un ke kūche meñ bapā fitna-e-mahshar na kare

shab-e-tārīk meñ kyā shor machānā dil kā

tūr-e-ulfat pe chalo tā maiñ dikhā.ūñ tum ko

ho ke behosh kabhī hosh meñ aanā dil kā

shukr kar shukr 'jamīla' ki zahe terā nasīb

ho gayā kūcha-e-jīlāñ meñ Thikānā dil kā

shoala-e-ah ne sikha hai jalana dil ka

nahin milta hai jo pahlu mein Thikana dil ka

shoKHiyan aaengi baDhne do abhi sin un ka

zulf-e-pur-pech sikha degi phansana dil ka

nae andaz se lete hain wo dil aashiq ka

rawish-e-naz se sikha hai churana dil ka

surat-e-barg-e-hina kis ne banaya tum ko

pesh kar pae nigarin mein lagana dil ka

kya mujhe dasht-nawardi ka maza deta hai

justuju mein teri yun KHak uDana dil ka

kya KHabar thi wo pae sair idhar aaega

sikhta parda-e-pahlu mein chhupana dil ka

un ke kuche mein bapa fitna-e-mahshar na kare

shab-e-tarik mein kya shor machana dil ka

tur-e-ulfat pe chalo ta main dikhaun tum ko

ho ke behosh kabhi hosh mein aana dil ka

shukr kar shukr 'jamila' ki zahe tera nasib

ho gaya kucha-e-jilan mein Thikana dil ka