shoKHi ada ghurur shararat KHaridiye

shoḳhī adā ġhurūr sharārat ḳharīdiye

chāñdī uchhāliye to qayāmat ḳharīdiye

aslāf ke nuqūsh kitāboñ meñ band haiñ

bāzār se kisī kī shabāhat ḳharīdiye

aTkī huī hai ruuh purānī tarāsh meñ

kis dil se asr-e-hāl kī jiddat ḳharīdiye

ahl-e-jahāñ kā aur badalne lagā mazāq

fikr-o-nazar bhī hasb-e-zarūrat ḳharīdiye

zāhir bahut hasīn hai bātin ghināvnā

pachhtā.iyegā aap mujhe mat ḳharīdiye

qur.ān kholne key zarūrat nahīñ rahī

biktī hai sub.h-o-shām tilāvat ḳharīdiye

pak jā.egā to aap Tapak jā.egā janāb

āñgan meñ shāḳh aa.ī hai phal mat ḳharīdiye

shoKHi ada ghurur shararat KHaridiye

chandi uchhaaliye to qayamat KHaridiye

aslaf ke nuqush kitabon mein band hain

bazar se kisi ki shabahat KHaridiye

aTki hui hai ruh purani tarash mein

kis dil se asr-e-haal ki jiddat KHaridiye

ahl-e-jahan ka aur badalne laga mazaq

fikr-o-nazar bhi hasb-e-zarurat KHaridiye

zahir bahut hasin hai baatin ghinawna

pachhtaiyega aap mujhe mat KHaridiye

quran kholne key zarurat nahin rahi

bikti hai subh-o-sham tilawat KHaridiye

pak jaega to aap Tapak jaega janab

aangan mein shaKH aai hai phal mat KHaridiye