shor aahon ka uTha nala falak sa nikla

shor aahoñ kā uThā naala falak sā niklā

aaj is dhuum se zālim terā shaidā niklā

yuuñ to ham the yūñhī kuchh misl-e-anār-o-mahtāb

jab hameñ aag dikhā.ī to tamāshā niklā

ġham se ham bhānmatī ban ke jahāñ baiThe the

ittifāqan kahīñ vo shoḳh bhī vaañ aa niklā

siine kī aag dikhāne ko dahan se apne

sho.ale par sho.ala bhabhūke pe bhabhūkā niklā

mat shafaq kah ye tirā ḳhuun falak par hai 'nazīr'

dekh Tapkā thā kahāñ aur kahāñ jā niklā

shor aahon ka uTha nala falak sa nikla

aaj is dhum se zalim tera shaida nikla

yun to hum the yunhi kuchh misl-e-anar-o-mahtab

jab hamein aag dikhai to tamasha nikla

gham se hum bhanmati ban ke jahan baiThe the

ittifaqan kahin wo shoKH bhi wan aa nikla

sine ki aag dikhane ko dahan se apne

shoale par shoala bhabhuke pe bhabhuka nikla

mat shafaq kah ye tera KHun falak par hai 'nazir'

dekh Tapka tha kahan aur kahan ja nikla