shorish-e-waqt hui waqt ki raftar mein gum

shorish-e-vaqt huī vaqt kī raftār meñ gum

din guzarte haiñ tire ḳhvāb ke āsār meñ gum

kyā ajab thī vo fazāoñ meñ ghulī bū-e-qadīm

shahr kā shahr huā vahshat-e-asrār meñ gum

is kahānī kā bhī unvān koī hairat-e-husn

ā.īna aks meñ aks ā.īna-bardār meñ gum

dekh ye aañkh tirī chhab se huī ḳhākistar

sun samā.at hai tirī narmī-e-guftār meñ gum

jo tire ḳhitta-e-be-āb kī ḳhvāhish na banā

kulbulātā hai vo dariyā kisī kohsār meñ gum

ab tamannāoñ ke isbāt kā sahte haiñ azaab

ham ki rahte the kabhī nashsha-e-inkār meñ gum

kis tarah un pe ḳhamoshī ke ma.ānī khulte

umr bhar log rahe lafz kī takrār meñ gum

shorish-e-waqt hui waqt ki raftar mein gum

din guzarte hain tere KHwab ke aasar mein gum

kya ajab thi wo fazaon mein ghuli bu-e-qadim

shahr ka shahr hua wahshat-e-asrar mein gum

is kahani ka bhi unwan koi hairat-e-husn

aaina aks mein aks aaina-bardar mein gum

dekh ye aankh teri chhab se hui KHakistar

sun samaat hai teri narmi-e-guftar mein gum

jo tere KHitta-e-be-ab ki KHwahish na bana

kulbulata hai wo dariya kisi kohsar mein gum

ab tamannaon ke isbaat ka sahte hain azab

hum ki rahte the kabhi nashsha-e-inkar mein gum

kis tarah un pe KHamoshi ke maani khulte

umr bhar log rahe lafz ki takrar mein gum