shua-e-samt-e-safar ko nazar mein rakhna hai

shuā-e-samt-e-safar ko nazar meñ rakhnā hai

talātum aur bhañvar ko nazar meñ rakhnā hai

haiñ raah meñ ḳhas-o-ḳhāshāk ke pahāḌ to kyā

tilism-e-barq ko apne hunar meñ rakhnā hai

shi.ār-e-chob-e-qalam sheva-e-asā-e-kalīm

shuā-e-tūr ko tār-e-nazar meñ rakhnā hai

na.e tabūk ne an-gin mahāz khole haiñ

abhī gunāh-e-qadam apne ghar meñ rakhnā hai

shaboñ ke paas rahe ġhār-e-saur kā tiryāk

hirā kā nuur numūd-e-sahar meñ rakhnā hai

phir us adā se khuleñ zehn-o-dil ke darvāze

usī nasīm-e-uḳhuvvat ko sar meñ rakhnā hai

Dubo rahī hai tahī sīpiyoñ kī nādānī

sadī ke jaal ko pal pal nazar meñ rakhnā hai

kabhī hai dhuup kabhī fikr chāñdnī hai 'matīn'

tajallī-zār-e-ġhazal ko safar meñ rakhnā hai

shua-e-samt-e-safar ko nazar mein rakhna hai

talatum aur bhanwar ko nazar mein rakhna hai

hain rah mein KHas-o-KHashak ke pahaD to kya

tilism-e-barq ko apne hunar mein rakhna hai

shiar-e-chob-e-qalam shewa-e-asa-e-kalim

shua-e-tur ko tar-e-nazar mein rakhna hai

nae tabuk ne an-gin mahaz khole hain

abhi gunah-e-qadam apne ghar mein rakhna hai

shabon ke pas rahe ghaar-e-saur ka tiryak

hira ka nur numud-e-sahar mein rakhna hai

phir us ada se khulen zehn-o-dil ke darwaze

usi nasim-e-uKHuwwat ko sar mein rakhna hai

Dubo rahi hai tahi sipiyon ki nadani

sadi ke jal ko pal pal nazar mein rakhna hai

kabhi hai dhup kabhi fikr chandni hai 'matin'

tajalli-zar-e-ghazal ko safar mein rakhna hai