shukr aaKHir azab se nikla

shukr āḳhir azaab se niklā

vaqt ahd-e-shabāb se niklā

us ke ham yuuñ bayān se nikle

jaise kāñTā gulāb se niklā

umr yak-dam chalī ga.ī pīchhe

ḳhat achānak kitāb se niklā

jaan tāroñ ne TuuT kar de dī

giit aisā rabāb se niklā

marne vaale tujhe mubārak tū

zindagī ke sarāb se niklā

Dher saare gile nikal aa.e

dil na ḳhāna-ḳharāb se niklā

vo to 'mas.ūd' ḳhud savālī thā

raaz us ke javāb se niklā

shukr aaKHir azab se nikla

waqt ahd-e-shabab se nikla

us ke hum yun bayan se nikle

jaise kanTa gulab se nikla

umr yak-dam chali gai pichhe

KHat achanak kitab se nikla

jaan taron ne TuT kar de di

git aisa rabab se nikla

marne wale tujhe mubarak tu

zindagi ke sarab se nikla

Dher sare gile nikal aae

dil na KHana-KHarab se nikla

wo to 'masud' KHud sawali tha

raaz us ke jawab se nikla