shurūa ahl-e-mohabbat ke imtihān hue
ab un ko naaz huā hai ki ham javān hue
sabhoñ kī aa ga.ī piirī jo tum javān hue
zamīñ kā dil huā miTTī ḳham āsmān hue
ġhazab se kam nahīñ hotā vafūr-e-rahmat bhī
maiñ Dar gayā vo ziyāda jo mehrbān hue
are zarā mire dil se ye koī pūchh aa.e
usī tarah vo ḳhafā haiñ ki mehrbān hue
khilā nayā koī gul duur duur pahuñchī bū
na kyuuñ jahāñ meñ ho shohrat ki vo javān hue
dil-o-jigar kī jagah daaġh tak nahīñ baaqī
jo nām-dār paḌe the vo be-nishān hue
dil-o-jigar meñ nahīñ jān-e-tan kā zikr hai kyā
hamāre marne se ḳhālī ka.ī makān hue
guzishtagāñ ke jo qisse bayān karte the
ab un ke zikr bhī kānoñ ko dāstān hue
evaz namāz-e-janāza ke mere lāshe par
tamām qissa-e-mehr-o-vafā bayān hue
gayā dil us kā vo aa baiThe jis ke pahlū meñ
bas us kī jaan ga.ī jis pe mehrbāñ hue
vo qatl karte magar rahm aa gayā hai 'rashīd'
ye mere naale mire vāste amaan hue
shurua ahl-e-mohabbat ke imtihan hue
ab un ko naz hua hai ki hum jawan hue
sabhon ki aa gai piri jo tum jawan hue
zamin ka dil hua miTTi KHam aasman hue
ghazab se kam nahin hota wafur-e-rahmat bhi
main Dar gaya wo ziyaada jo mehrban hue
are zara mere dil se ye koi puchh aae
usi tarah wo KHafa hain ki mehrban hue
khila naya koi gul dur dur pahunchi bu
na kyun jahan mein ho shohrat ki wo jawan hue
dil-o-jigar ki jagah dagh tak nahin baqi
jo nam-dar paDe the wo be-nishan hue
dil-o-jigar mein nahin jaan-e-tan ka zikr hai kya
hamare marne se KHali kai makan hue
guzishtagan ke jo qisse bayan karte the
ab un ke zikr bhi kanon ko dastan hue
ewaz namaz-e-janaza ke mere lashe par
tamam qissa-e-mehr-o-wafa bayan hue
gaya dil us ka wo aa baiThe jis ke pahlu mein
bas us ki jaan gai jis pe mehrban hue
wo qatl karte magar rahm aa gaya hai 'rashid'
ye mere nale mere waste aman hue
Source :
Book : Gulistan-e-Rasheed (Pg. ghazal-92 page-86)
Author : Piyare Sahab Rasheed
Edition : 1952
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.