shuur-e-chaaragari mein kamal kya hoga

shu.ūr-e-chāragarī meñ kamāl kyā hogā

jo ḳhud hī zaḳhm hañseñ indimāl kyā hogā

ik ek shakl yahī aa.ine meñ kahtī hai

ab aur mujh se koī ḳhush-jamāl kyā hogā

mohabbat un kī hisār-e-hayāt toḌ ga.ī

shumār-e-roz-o-shab-o-māh-o-sāl kyā hogā

sitāre jhāñkte haiñ shaam kī fasīloñ se

na jaane āḳhir-e-shab un kā haal kyā hogā

mujhī se vaqt kī be-chehragī ibārat hai

jo maiñ nahīñ to ġhubār-e-malāl kyā hogā

bhareñ na 'barq' agar ābgīne lafzoñ ke

jahān-e-ma.anī kā āb-e-zulāl kyā hogā

shuur-e-chaaragari mein kamal kya hoga

jo KHud hi zaKHm hansen indimal kya hoga

ek ek shakl yahi aaine mein kahti hai

ab aur mujh se koi KHush-jamal kya hoga

mohabbat un ki hisar-e-hayat toD gai

shumar-e-roz-o-shab-o-mah-o-sal kya hoga

sitare jhankte hain sham ki fasilon se

na jaane aaKHir-e-shab un ka haal kya hoga

mujhi se waqt ki be-chehragi ibarat hai

jo main nahin to ghubar-e-malal kya hoga

bharen na 'barq' agar aabgine lafzon ke

jahan-e-mani ka aab-e-zulal kya hoga