shuur-e-ishq mile ru-e-dar raqs karun

shu.ūr-e-ishq mile rū-e-dār raqs karūñ

haiñ mere paas bahāne hazār raqs karūñ

gulū-e-ḳhushk kī shah-e-rag thak ke kahtī hai

kuchh aur tez ho ḳhanjar kī dhaar raqs karūñ

tavāf-e-ḳhāna-e-dildār gar nasīb nahīñ

ḳhud apne dil kā banā kar mazār raqs karūñ

barahna jism hai kohna libās phaT gayā hai

so oḌh kar maiñ ridā-e-ġhubār raqs karūñ

ujaaḌ dasht meñ maqtal ye baar baar saje

lahū meñ Duub ke maiñ baar baar raqs karūñ

anī kuchh aur chubhā ai sitam-shi.ār ki maiñ

taḌap ke dard meñ be-band-o-bār raqs karūñ

duā hai merī maiñ zaḳhmoñ kī taab lā na sakūñ

sharāb maut kā jaage ḳhumār raqs karūñ

sunā chukā sar-e-neza maiñ ek taaza ġhazal

'nadīm' hai mujhe ab iḳhtiyār raqs karūñ

shuur-e-ishq mile ru-e-dar raqs karun

hain mere pas bahane hazar raqs karun

gulu-e-KHushk ki shah-e-rag thak ke kahti hai

kuchh aur tez ho KHanjar ki dhaar raqs karun

tawaf-e-KHana-e-dildar gar nasib nahin

KHud apne dil ka bana kar mazar raqs karun

barahna jism hai kohna libas phaT gaya hai

so oDh kar main rida-e-ghubar raqs karun

ujaD dasht mein maqtal ye bar bar saje

lahu mein Dub ke main bar bar raqs karun

ani kuchh aur chubha ai sitam-shiar ki main

taDap ke dard mein be-band-o-bar raqs karun

dua hai meri main zaKHmon ki tab la na sakun

sharab maut ka jage KHumar raqs karun

suna chuka sar-e-neza main ek taza ghazal

'nadim' hai mujhe ab iKHtiyar raqs karun