shuur waqt pe dil ki dawa hui hoti

'shu.ūr' vaqt pe dil kī davā huī hotī

to aaj fikr na hotī shifā huī hotī

muravvatan bhī agar aap aa ga.e hote

tamāniyyat hameñ be-intihā huī hotī

na jaane kitne baras ho ga.e fuġhāñ karte

kabhī to dād-rasī ai ḳhudā huī hotī

na thā nasīb meñ dil kī murād bar aanā

to kaash sabr kī aadat atā huī hotī

hamārā haal tumhārī samajh meñ aa jaatā

agar kisī se mohabbat zarā huī hotī

ham apne-āp se rahte na be-ḳhabar to bhalā

hamārī sūrat-e-hālāt kyā huī hotī

'shu.ūr' aap kī aamad se laakh behtar thā

ġharīb-ḳhāne pe nāzil balā huī hotī

'shuur' waqt pe dil ki dawa hui hoti

to aaj fikr na hoti shifa hui hoti

murawwatan bhi agar aap aa gae hote

tamaniyyat hamein be-intiha hui hoti

na jaane kitne baras ho gae fughan karte

kabhi to dad-rasi ai KHuda hui hoti

na tha nasib mein dil ki murad bar aana

to kash sabr ki aadat ata hui hoti

hamara haal tumhaari samajh mein aa jata

agar kisi se mohabbat zara hui hoti

hum apne-ap se rahte na be-KHabar to bhala

hamari surat-e-haalat kya hui hoti

'shuur' aap ki aamad se lakh behtar tha

gharib-KHane pe nazil bala hui hoti