side-effects
sar-dard meñ golī ye baḌī zūd-asar hai
par thoḌā sā nuqsān bhī ho saktā hai is se
ho saktī hai paidā koī tabḳhīr kī sūrat
dil tañg-o-pareshān bhī ho saktā hai is se
ho saktī hai kuchh saql-e-samā.at kī shikāyat
be-kār koī kaan bhī ho saktā hai is se
mumkin hai ḳharābī koī ho jaa.e jigar meñ
haañ aap ko yarqān bhī ho saktā hai is se
paḌ saktī hai kuchh jild-ḳharāshī kī zarūrat
ḳhārish kā kuchh imkān bhī ho saktā hai is se
ho saktī haiñ yādeñ bhī zarā sī mutā.assir
ma.amūlī sā nisyān bhī ho saktā hai is se
bīnā.ī ke haq meñ bhī ye golī nahīñ achchhī
diida koī hairān bhī ho saktā hai is se
ho saktā hai lāhaq koī pechīda maraz bhī
gurda koī vīrān bhī ho saktā hai is se
mumkin hai ki ho jaa.e nasha is se zarā sā
phir aap kā chālān bhī ho saktā hai is se
sar-dard mein goli ye baDi zud-asar hai
par thoDa sa nuqsan bhi ho sakta hai is se
ho sakti hai paida koi tabKHir ki surat
dil tang-o-pareshan bhi ho sakta hai is se
ho sakti hai kuchh saql-e-samaat ki shikayat
be-kar koi kan bhi ho sakta hai is se
mumkin hai KHarabi koi ho jae jigar mein
han aap ko yarqan bhi ho sakta hai is se
paD sakti hai kuchh jild-KHarashi ki zarurat
KHarish ka kuchh imkan bhi ho sakta hai is se
ho sakti hain yaaden bhi zara si mutaassir
mamuli sa nisyan bhi ho sakta hai is se
binai ke haq mein bhi ye goli nahin achchhi
dida koi hairan bhi ho sakta hai is se
ho sakta hai lahaq koi pechida maraz bhi
gurda koi viran bhi ho sakta hai is se
mumkin hai ki ho jae nasha is se zara sa
phir aap ka chaalan bhi ho sakta hai is se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
