sina dahak raha ho to kya chup rahe koi

Jaun Eliya

sina dahak raha ho to kya chup rahe koi

Jaun Eliya

MORE BYJaun Eliya

    siina dahak rahā ho to kyā chup rahe koī

    kyuuñ chīḳh chīḳh kar na galā chhīl le koī

    sābit huā sukūn-e-dil-o-jāñ kahīñ nahīñ

    rishtoñ meñ DhūñDhtā hai to DhūñDā kare koī

    tark-e-ta.alluqāt koī mas.ala nahīñ

    ye to vo rāsta hai ki bas chal paḌe koī

    dīvār jāntā thā jise maiñ vo dhuul thī

    ab mujh ko e'timād dāvat na de koī

    maiñ ḳhud ye chāhtā huuñ ki hālāt huuñ ḳharāb

    mere ḳhilāf zahr ugaltā phire koī

    ai shaḳhs ab to mujh ko sabhī kuchh qubūl hai

    ye bhī qubūl hai ki tujhe chhīn le koī

    haañ Thiik hai maiñ apnī anā marīz huuñ

    āḳhir mire mizāj meñ kyuuñ daḳhl de koī

    ik shaḳhs kar rahā hai abhī tak vafā zikr

    kaash us zabāñ-darāz muñh noch le koī

    sina dahak raha ho to kya chup rahe koi

    kyun chiKH chiKH kar na gala chhil le koi

    sabit hua sukun-e-dil-o-jaan kahin nahin

    rishton mein DhunDhta hai to DhunDa kare koi

    tark-e-talluqat koi masala nahin

    ye to wo rasta hai ki bas chal paDe koi

    diwar jaanta tha jise main wo dhul thi

    ab mujh ko e'timad ki dawat na de koi

    main KHud ye chahta hun ki haalat hun KHarab

    mere KHilaf zahr ugalta phire koi

    ai shaKHs ab to mujh ko sabhi kuchh qubul hai

    ye bhi qubul hai ki tujhe chhin le koi

    han Thik hai main apni ana ka mariz hun

    aaKHir mere mizaj mein kyun daKHl de koi

    ek shaKHs kar raha hai abhi tak wafa ka zikr

    kash us zaban-daraaz ka munh noch le koi

    Videos
    This video is playing from YouTube

    Videos
    This video is playing from YouTube

    Unknown

    Unknown

    Source
    • Book : gumaan (Pg. 130)

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY