sina KHun se bhara hua mera

siina ḳhuuñ se bharā huā merā

uf ye bad-mast mai-kada merā

nā rasā.ī pe naaz hai jis ko

haa.e vo shauq-e-nā-rasā merā

dil-e-ġham-dīda par ḳhudā kī maar

siina aahoñ se chhil gayā merā

yaad ke tund-o-tez jhoñke se

aaj har daaġh jal uThā merā

yād-e-māzī azaab hai yārab

chhīn le mujh se hāfiza merā

minnat-e-charḳh se barī huuñ meñ

na huā jīte-jī bhalā merā

hai baḌā shaġhl zindagī 'aḳhtar'

pūchhte kyā ho mashġhala merā

sina KHun se bhara hua mera

uf ye bad-mast mai-kada mera

na rasai pe naz hai jis ko

hae wo shauq-e-na-rasa mera

dil-e-gham-dida par KHuda ki mar

sina aahon se chhil gaya mera

yaad ke tund-o-tez jhonke se

aaj har dagh jal uTha mera

yaad-e-mazi azab hai yarab

chhin le mujh se hafiza mera

minnat-e-charKH se bari hun mein

na hua jite-ji bhala mera

hai baDa shaghl zindagi 'aKHtar'

puchhte kya ho mashghala mera