sīna-kūbī kar chuke ġham kar chuke
jīte-jī ham apnā mātam kar chuke
dekhiye milte haiñ kis din yaar se
iid bhī kar leñ moharram kar chuke
dhyān un āñkhoñ kā jaane kā nahīñ
ye hiran paale hue ram kar chuke
dil lagā kar dukh uThā.e be-shumār
dam-shumārī bhī koī dam kar chuke
ab to zulfoñ ko na rakkho fard fard
daftar-e-ālam ko barham kar chuke
vā.izo jo chāho farmāo hameñ
bai.at-e-pīr-e-muġhāñ ham kar chuke
'bahr' mustaġhnī haiñ fikr-o-sher se
gauhar-e-ma.anī farāham kar chuke
sina-kubi kar chuke gham kar chuke
jite-ji hum apna matam kar chuke
dekhiye milte hain kis din yar se
id bhi kar len moharram kar chuke
dhyan un aankhon ka jaane ka nahin
ye hiran pale hue ram kar chuke
dil laga kar dukh uThae be-shumar
dam-shumari bhi koi dam kar chuke
ab to zulfon ko na rakkho fard fard
daftar-e-alam ko barham kar chuke
waizo jo chaho farmao hamein
baiat-e-pir-e-mughan hum kar chuke
'bahr' mustaghni hain fikr-o-sher se
gauhar-e-mani faraham kar chuke
Source :
Book : Ghazal Usne Chhedi(3) (Pg. 127)
Author : Farhat Ehsas
Publication : Rekhta Books
(2017)
Edition : 2017
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.