sirf KHaka ubhar raha hai abhi
sirf ḳhāka ubhar rahā hai abhī
koī chehra kahāñ banā hai abhī
reza reza bikhartī āñkhoñ meñ
ghar kā sapnā basā huā hai abhī
kaise kah duuñ badal gayā mausam
zaḳhm dil meñ sajā huā hai abhī
kin rutoñ kā hisāb duuñ us ko
sabz mausam kahāñ milā hai abhī
raat aadhī guzar chukī hai magar
ik darīcha khulā huā hai abhī
sham.eñ sab bujh ga.iiñ ḳhamosh hai raat
aur dil hai ki jāgtā hai abhī
kyā mileñ tujh se tū ne ḳhud ko 'nigār'
mo'atabar hī kahāñ kiyā hai abhī
sirf KHaka ubhar raha hai abhi
koi chehra kahan bana hai abhi
reza reza bikharti aankhon mein
ghar ka sapna basa hua hai abhi
kaise kah dun badal gaya mausam
zaKHm dil mein saja hua hai abhi
kin ruton ka hisab dun us ko
sabz mausam kahan mila hai abhi
raat aadhi guzar chuki hai magar
ek daricha khula hua hai abhi
shamen sab bujh gain KHamosh hai raat
aur dil hai ki jagta hai abhi
kya milen tujh se tu ne KHud ko 'nigar'
mo'atabar hi kahan kiya hai abhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
