sirhane bebasi roti rahi hai
sirhāne bebasī rotī rahī hai
shab-e-ġham zindagī rotī rahī hai
shab-e-ġham sāneha kyā ho gayā thā
bahr-sū chāñdnī rotī rahī hai
ye merī shūmī-e-qismat pe yaaro
sahar tak sham.a bhī rotī rahī hai
mirī be-chārgī par bazm-e-anjum
kabhī hañstī kabhī rotī rahī hai
guloñ kī muskurāhaT yaad kar ke
gulistāñ meñ kalī rotī rahī hai
ḳhalish hotī hai patthar ke bhī dil meñ
butoñ kī aañkh bhī rotī rahī hai
tumheñ kyā hai ḳhabar tanhā.iyoñ meñ
sitamgar kī galī rotī rahī hai
faqat āñkheñ nahīñ furqat kī shab meñ
hamārī ruuh bhī rotī rahī hai
'zafar' jab se huā tark-e-ta.alluq
hamārī shā.erī rotī rahī hai
sirhane bebasi roti rahi hai
shab-e-gham zindagi roti rahi hai
shab-e-gham saneha kya ho gaya tha
bahr-su chandni roti rahi hai
ye meri shumi-e-qismat pe yaro
sahar tak shama bhi roti rahi hai
meri be-chaargi par bazm-e-anjum
kabhi hansti kabhi roti rahi hai
gulon ki muskurahaT yaad kar ke
gulistan mein kali roti rahi hai
KHalish hoti hai patthar ke bhi dil mein
buton ki aankh bhi roti rahi hai
tumhein kya hai KHabar tanhaiyon mein
sitamgar ki gali roti rahi hai
faqat aankhen nahin furqat ki shab mein
hamari ruh bhi roti rahi hai
'zafar' jab se hua tark-e-talluq
hamari shaeri roti rahi hai
- Book : Rang-e-sabat (Pg. 44)
- Author : Zafar Ansari Zafar
- Publication : Maktaba Jamia, Jamia Nagar, New Delhi (2010)
- Edition : 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
