sitare haar chuki thi sabhi juari raat

sitāre haar chukī thī sabhī juārī raat

bas ek chāñd bachā thā so vo bhī haarī raat

batāo kaise kahāñ tum ne kal guzārī raat

uThā.ī suud pe yā qarz pe utārī raat

nahīñ bulā.ī nahīñ ham ne ḳhud-baḳhud aa.ī

yahāñ na aatī to jaatī kahāñ bechārī raat

utārā Taañg diyā raincoat khūñTī par

phir us se ristī rahī buuñd buuñd saarī raat

yahī hisāb hai apnī bhī zindagī kā dost

naqd meñ din kā kiyā saudā aur udhārī raat

hameñ kafan nazar aane lage sitāroñ par

jo bachpane meñ sitāroñ kī thī piTārī raat

sitare haar chuki thi sabhi juari raat

bas ek chand bacha tha so wo bhi haari raat

batao kaise kahan tum ne kal guzari raat

uThai sud pe ya qarz pe utari raat

nahin bulai nahin hum ne KHud-baKHud aai

yahan na aati to jati kahan bechaari raat

utara Tang diya raincoat khunTi par

phir us se risti rahi bund bund sari raat

yahi hisab hai apni bhi zindagi ka dost

naqd mein din ka kiya sauda aur udhaari raat

hamein kafan nazar aane lage sitaron par

jo bachpane mein sitaron ki thi piTari raat