sitare sab mere mahtab mere

sitāre sab mire mahtāb mere

abhī mat TūTnā ai ḳhvāb mere

abhī uḌnā hai mujh ko āsmāñ tak

hue jaate haiñ par betāb mere

maiñ thak kar gir gayā TuuTā nahīñ huuñ

bahut mazbūt haiñ a.asāb mere

tire aane pe bhī bād-e-bahārī

gulistāñ kyuuñ nahīñ shādāb mere

bahut hī shaad rahtā thā maiñ jin meñ

vo lamhe ho ga.e nāyāb mere

abhī āñkhoñ meñ tuġhyānī nahīñ hai

abhī aa.e nahīñ sailāb mere

samundar meñ huā tūfān barpā

safīne aa.e zer-e-āb mere

tū ab ke bhī nahīñ Duubā 'shanāvar'

bahut hairān haiñ ahbāb mere

sitare sab mere mahtab mere

abhi mat TuTna ai KHwab mere

abhi uDna hai mujh ko aasman tak

hue jate hain par betab mere

main thak kar gir gaya TuTa nahin hun

bahut mazbut hain aasab mere

tere aane pe bhi baad-e-bahaari

gulistan kyun nahin shadab mere

bahut hi shad rahta tha main jin mein

wo lamhe ho gae nayab mere

abhi aankhon mein tughyani nahin hai

abhi aae nahin sailab mere

samundar mein hua tufan barpa

safine aae zer-e-ab mere

tu ab ke bhi nahin Duba 'shanawar'

bahut hairan hain ahbab mere