sitam-e-kaamyab ne mara

Jigar Moradabadi

sitam-e-kaamyab ne mara

Jigar Moradabadi

MORE BY Jigar Moradabadi

    sitam-e-kāmyāb ne maarā

    karam-e-lā-javāb ne maarā

    ḳhud huī gum hameñ bhī kho baiThī

    nigah-e-bāzyāb ne maarā

    zindagī thī hijāb ke dam tak

    barhami-e-hijāb ne maarā

    ishq ke har sukūn-e-āḳhir ko

    husn ke iztirāb ne maarā

    ḳhud nazar ban ga.ī hijāb-e-nazar

    haa.e us be-hijāb ne maarā

    maiñ tirā aks huuñ ki merā

    is savāl-o-javāb ne maarā

    koī pūchhe ki rah ke pahlū meñ

    tiir kyā iztirāb ne maarā

    bach rahā jo tirī tajallī se

    us ko tere hijāb ne maarā

    ab nazar ko kahīñ qarār nahīñ

    kāvish-e-intiḳhāb ne maarā

    sab ko maarā 'jigar' ke sheroñ ne

    aur 'jigar' ko sharāb ne maarā

    sitam-e-kaamyab ne mara

    karam-e-la-jawab ne mara

    KHud hui gum hamein bhi kho baiThi

    nigah-e-bazyab ne mara

    zindagi thi hijab ke dam tak

    barhami-e-hijab ne mara

    ishq ke har sukun-e-aKHir ko

    husn ke iztirab ne mara

    KHud nazar ban gai hijab-e-nazar

    hae us be-hijab ne mara

    main tera aks hun ki tu mera

    is sawal-o-jawab ne mara

    koi puchhe ki rah ke pahlu mein

    tir kya iztirab ne mara

    bach raha jo teri tajalli se

    us ko tere hijab ne mara

    ab nazar ko kahin qarar nahin

    kawish-e-intiKHab ne mara

    sab ko mara 'jigar' ke sheron ne

    aur 'jigar' ko sharab ne mara

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites