sitam mein bhi to pahlu unki zinat ke nikalte hain

sitam meñ bhī to pahlū un kī zīnat ke nikalte haiñ

hamāre ḳhūñ-shuda dil ko hasīñ talvoñ se malte haiñ

shigāf-e-sīna sūrāḳh-e-jigar chāk-e-dil-e-āshiq

mohabbat kī galī se saikḌoñ raste nikalte hai

tumhārī maañg ke āshiq haiñ shaiḳh-o-barhaman donoñ

ye vo rasta hai jis par dost dushman saath chalte haiñ

khaTak aaj āñsuoñ kī de rahī hai ye ḳhabar mujh ko

chubhe the dil meñ jo kāñTe vo āñkhoñ se nikalte haiñ

maiñ us ulfat ke sadqe huuñ maiñ us nafrat ke qurbāñ huuñ

jagah hai 'rāz' kī dil meñ magar sūrat se jalte haiñ

sitam mein bhi to pahlu un ki zinat ke nikalte hain

hamare KHun-shuda dil ko hasin talwon se malte hain

shigaf-e-sina suraKH-e-jigar chaak-e-dil-e-ashiq

mohabbat ki gali se saikDon raste nikalte hai

tumhaari mang ke aashiq hain shaiKH-o-barhaman donon

ye wo rasta hai jis par dost dushman sath chalte hain

khaTak aaj aansuon ki de rahi hai ye KHabar mujh ko

chubhe the dil mein jo kanTe wo aankhon se nikalte hain

main us ulfat ke sadqe hun main us nafrat ke qurban hun

jagah hai 'raaz' ki dil mein magar surat se jalte hain