sitam se go ye tere kushta-e-wafa na raha

sitam se go ye tire kushta-e-vafā na rahā

rahe jahān meñ to dair meñ rahā na rahā

kab us kā naam liye ġhash na aa gayā mujh ko

dil-e-sitam-zada kis vaqt us meñ jā na rahā

milānā aañkh kā har-dam fareb thā dekhā

phir ek dam meñ vo be-dīd āshnā na rahā

muue to ham pe dil par ko ḳhuub ḳhālī kar

hazār shukr kaso se hameñ gila na rahā

udhar khulī mirī chhātī idhar namak chhiḌkā

jarāhat us ko dikhāne kā ab maza na rahā

huā huuñ tañg bahut koī din meñ sin liijo

ki jī se haath uThā kar vo uTh gayā na rahā

sitam kā us ke bahut maiñ nazār huuñ mamnūn

jigar tamām huā ḳhūn-o-dil bajā na rahā

agarche rah ga.e the ustuḳhvān-o-post vale

lagā.ī aisī ki tasma bhī phir lagā na rahā

hamīyat us ke ta.iiñ kahte haiñ jo 'mīr' meñ thī

gayā jahāñ se pe terī galī maiñ aa na rahā

sitam se go ye tere kushta-e-wafa na raha

rahe jahan mein to dair mein raha na raha

kab us ka nam liye ghash na aa gaya mujh ko

dil-e-sitam-zada kis waqt us mein ja na raha

milana aankh ka har-dam fareb tha dekha

phir ek dam mein wo be-did aashna na raha

mue to hum pe dil par ko KHub KHali kar

hazar shukr kaso se hamein gila na raha

udhar khuli meri chhati idhar namak chhiDka

jarahat us ko dikhane ka ab maza na raha

hua hun tang bahut koi din mein sin lijo

ki ji se hath uTha kar wo uTh gaya na raha

sitam ka us ke bahut main nazar hun mamnun

jigar tamam hua KHun-o-dil baja na raha

agarche rah gae the ustuKHwan-o-post wale

lagai aisi ki tasma bhi phir laga na raha

hamiyat us ke tain kahte hain jo 'mir' mein thi

gaya jahan se pe teri gali main aa na raha