siwa KHuda ke nahin koi dast-gir apna
sivā ḳhudā ke nahīñ koī dast-gīr apnā
vahī muiin hai aur hai vahī nasīr apnā
usī ke naam se paatā hai kām-e-jāñ lazzat
usī kā ism mubārak hai dil-pazīr apnā
vo aap jaisā shahanshāh hai karīm-o-rahīm
kiyā hai chhāñT ke vaisā hī bas vazīr apnā
usī kā ism mubārak mohammad-e-arabī
vahī shafī.a hai bas roz-e-dār-o-gīr apnā
janāb-e-shāh-e-ġhulām-alī valī-allāh
ḳhudā ke fazl-o-karam se hai 'aish' piir apnā
siwa KHuda ke nahin koi dast-gir apna
wahi muin hai aur hai wahi nasir apna
usi ke nam se pata hai kaam-e-jaan lazzat
usi ka ism mubarak hai dil-pazir apna
wo aap jaisa shahanshah hai karim-o-rahim
kiya hai chhanT ke waisa hi bas wazir apna
usi ka ism mubarak mohammad-e-arabi
wahi shafia hai bas roz-e-dar-o-gir apna
janab-e-shah-e-ghulam-ali wali-allah
KHuda ke fazl-o-karam se hai 'aish' pir apna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
