siyah-KHana-e-dil par nazar bhi karta hai
siyāh-ḳhāna-e-dil par nazar bhī kartā hai
merī ḳhatāoñ ko vo darguzar bhī kartā hai
parind ūñchī uḌānoñ kī dhun meñ rahtā hai
magar zamīñ kī hadoñ meñ basar bhī kartā hai
tamām umr ke dariyā ko moḌ detā hai
vo ek harf jo dil par asar bhī kartā hai
vo log jin kī zamāna hañsī uḌātā hai
ik umr ba.ad unheñ mo'tabar bhī kartā hai
jalā ke dasht-e-talab meñ ummīd kī sham.eñ
aziyyatoñ se hameñ be-ḳhabar bhī kartā hai
siyah-KHana-e-dil par nazar bhi karta hai
meri KHataon ko wo darguzar bhi karta hai
parind unchi uDanon ki dhun mein rahta hai
magar zamin ki hadon mein basar bhi karta hai
tamam umr ke dariya ko moD deta hai
wo ek harf jo dil par asar bhi karta hai
wo log jin ki zamana hansi uData hai
ek umr baad unhen mo'tabar bhi karta hai
jala ke dasht-e-talab mein ummid ki shamen
aziyyaton se hamein be-KHabar bhi karta hai
- Book : Gil-e-Lajvard (Pg. 116)
- Author : Khaleel Tanveer
- Publication : Al-asr Publications, Ahmedabad (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
