siyahi Dhal ke palkon par bhi aae

siyāhī Dhal ke palkoñ par bhī aa.e

koī lamha dhanak ban kar bhī aa.e

gulābī sīḌhiyoñ se chāñd utre

ḳhirām-e-nāz kā manzar bhī aa.e

lahū rishtoñ kā ab jamne lagā hai

koī sailāb mere ghar bhī aa.e

maiñ apnī fikr kā koh-e-nidā huuñ

koī hātim mire andar bhī aa.e

maiñ apne aap kā qātil huuñ 'ajmal'

mirā aaseb ab bāhar bhī aa.e

siyahi Dhal ke palkon par bhi aae

koi lamha dhanak ban kar bhi aae

gulabi siDhiyon se chand utre

KHiram-e-naz ka manzar bhi aae

lahu rishton ka ab jamne laga hai

koi sailab mere ghar bhi aae

main apni fikr ka koh-e-nida hun

koi hatim mere andar bhi aae

main apne aap ka qatil hun 'ajmal'

mera aaseb ab bahar bhi aae