siyahiyon ka nagar raushni se aT jae

siyāhiyoñ kā nagar raushnī se aT jaa.e

bahut tavīl hai yā-rab ye raat kaT jaa.e

zamīñ kā rizq huuñ lekin nazar falak par hai

kaho falak se mire rāste se haT jaa.e

tamām raat sitāra yahī pukārtā thā

havā ke saath chalo bādbāñ na phaT jaa.e

mirī ġhazal kā hai 'anvar-sadīd' ye hāsil

matā-e-dard mire dostoñ meñ baT jaa.e

siyahiyon ka nagar raushni se aT jae

bahut tawil hai ya-rab ye raat kaT jae

zamin ka rizq hun lekin nazar falak par hai

kaho falak se mere raste se haT jae

tamam raat sitara yahi pukarta tha

hawa ke sath chalo baadban na phaT jae

meri ghazal ka hai 'anwar-sadid' ye hasil

mata-e-dard mere doston mein baT jae