socha nahin achchha bura dekha suna kuchh bhi nahin
sochā nahīñ achchhā burā dekhā sunā kuchh bhī nahīñ
māñgā ḳhudā se raat din tere sivā kuchh bhī nahīñ
sochā tujhe dekhā tujhe chāhā tujhe puujā tujhe
merī ḳhatā merī vafā terī ḳhatā kuchh bhī nahīñ
jis par hamārī aañkh ne motī bichhā.e raat bhar
bhejā vahī kāġhaz use ham ne likhā kuchh bhī nahīñ
ik shaam ke saa.e tale baiThe rahe vo der tak
āñkhoñ se kī bāteñ bahut muñh se kahā kuchh bhī nahīñ
ehsās kī ḳhushbū kahāñ āvāz ke jugnū kahāñ
ḳhāmosh yādoñ ke sivā ghar meñ rahā kuchh bhī nahīñ
do-chār din kī baat hai dil ḳhaak meñ mil jā.egā
jab aag par kāġhaz rakhā baaqī bachā kuchh bhī nahīñ
socha nahin achchha bura dekha suna kuchh bhi nahin
manga KHuda se raat din tere siwa kuchh bhi nahin
socha tujhe dekha tujhe chaha tujhe puja tujhe
meri KHata meri wafa teri KHata kuchh bhi nahin
jis par hamari aankh ne moti bichhae raat bhar
bheja wahi kaghaz use hum ne likha kuchh bhi nahin
ek sham ke sae tale baiThe rahe wo der tak
aankhon se ki baaten bahut munh se kaha kuchh bhi nahin
ehsas ki KHushbu kahan aawaz ke jugnu kahan
KHamosh yaadon ke siwa ghar mein raha kuchh bhi nahin
do-chaar din ki baat hai dil KHak mein mil jaega
jab aag par kaghaz rakha baqi bacha kuchh bhi nahin
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
