sochne ka bhi nahin waqt mayassar mujhko

Bismil Azimabadi

sochne ka bhi nahin waqt mayassar mujhko

Bismil Azimabadi

MORE BY Bismil Azimabadi

    sochne bhī nahīñ vaqt mayassar mujh ko

    ik kashish hai jo liye phirtī hai dar dar mujh ko

    apnā tūfāñ na dikhā.e vo samundar mujh ko

    chaar qatre na hue jis se mayassar mujh ko

    umr bhar dair-o-haram ne diye chakkar mujh ko

    be-kasī ho burā le ga.ī ghar ghar mujh ko

    shukr hai rah gayā parda mirī uryānī

    ḳhaak kūche tire ban ga.ī chādar mujh ko

    chup rahūñ maiñ to ḳhamoshī bhī gila ho jaa.e

    aap jo chāheñ vo kah deñ mire muñh par mujh ko

    ḳhaak chhānā kiye ham qāfile vāloñ ke liye

    qāfile vāloñ ne dekhā bhī na muḌ kar mujh ko

    aap zālim nahīñ, zālim hai magar aap yaad

    vahī kam-baḳht satātī hai barābar mujh ko

    inqilābāt ne kuchh aisā pareshān kiyā

    ki sujhā.ī nahīñ detā hai tirā dar mujh ko

    jur.at-e-shauq to kyā kuchh nahīñ kahtī lekin

    paañv phailāne nahīñ detī hai chādar mujh ko

    mil ga.ī tishnagī-e-shauq se fursat tā-umr

    apne hāthoñ se diyā aap ne sāġhar mujh ko

    ab mirā jazba-e-taufīq hai aur maiñ 'bismil'

    ḳhizr gum ho ga.e raste pe lagā kar mujh ko

    sochne ka bhi nahin waqt mayassar mujh ko

    ek kashish hai jo liye phirti hai dar dar mujh ko

    apna tufan na dikhae wo samundar mujh ko

    chaar qatre na hue jis se mayassar mujh ko

    umr bhar dair-o-haram ne diye chakkar mujh ko

    be-kasi ka ho bura le gai ghar ghar mujh ko

    shukr hai rah gaya parda meri uryani ka

    KHak kuche ki tere ban gai chadar mujh ko

    chup rahun main to KHamoshi bhi gila ho jae

    aap jo chahen wo kah den mere munh par mujh ko

    KHak chhana kiye hum qafile walon ke liye

    qafile walon ne dekha bhi na muD kar mujh ko

    aap zalim nahin, zalim hai magar aap ki yaad

    wahi kam-baKHt satati hai barabar mujh ko

    inqilabaat ne kuchh aisa pareshan kiya

    ki sujhai nahin deta hai tera dar mujh ko

    jurat-e-shauq to kya kuchh nahin kahti lekin

    panw phailane nahin deti hai chadar mujh ko

    mil gai tishnagi-e-shauq se fursat ta-umr

    apne hathon se diya aap ne saghar mujh ko

    ab mera jazba-e-taufiq hai aur main 'bismil'

    KHizr gum ho gae raste pe laga kar mujh ko

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites