aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hansne rone se gae rabt baDhane se gae

Iman Qaisrani

hansne rone se gae rabt baDhane se gae

Iman Qaisrani

MORE BYIman Qaisrani

    hañsne rone se ga.e rabt baḌhāne se ga.e

    aisī uftād paḌī saare zamāne se ga.e

    vo ta.affun hai ki is baar zamīñ ke baasī

    apne sajdoñ se ga.e rizq kamāne se ga.e

    dil to pahle judā the yahāñ bastī vaalo

    kyā qayāmat hai ki ab haath milāne se ga.e

    is qadar qaht-e-vafā hai mire atrāf ki ab

    yaar yāroñ ko bhī ahvāl sunāne se ga.e

    apnā ye haal ki haiñ jaan bachāne meñ magan

    aur ajdād jo haiñ jaan laḌāne meñ ga.e

    tujh ko kyā ilm ki ham terī mohabbat ke tufail

    saarī duniyā se kaTe saare zamāne se ga.e

    hansne rone se gae rabt baDhane se gae

    aisi uftad paDi sare zamane se gae

    wo taffun hai ki is bar zamin ke basi

    apne sajdon se gae rizq kamane se gae

    dil to pahle hi juda the yahan basti walo

    kya qayamat hai ki ab hath milane se gae

    is qadar qaht-e-wafa hai mere atraf ki ab

    yar yaron ko bhi ahwal sunane se gae

    apna ye haal ki hain jaan bachane mein magan

    aur ajdad jo hain jaan laDane mein gae

    tujh ko kya ilm ki hum teri mohabbat ke tufail

    sari duniya se kaTe sare zamane se gae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now