sabhi yahan hain darida-daman sabhi ka ab haal ek sa hai

Aslam Gurdaspuri

sabhi yahan hain darida-daman sabhi ka ab haal ek sa hai

Aslam Gurdaspuri

MORE BYAslam Gurdaspuri

    sabhī yahāñ haiñ darīda-dāman sabhī ab haal ek hai

    ab aisī sūrat meñ kis se pūchheñ ye kyā banā hai ye kyā huā hai

    kuchh is tarah se kabhī huā thā sukūt-e-dār-o-rasan aalam

    na koī dīvāna sar-ba-kaf hai na koī vahshī DaTā huā hai

    maraz ye kyā hai ki jis ke Dar se tamām duniyā laraz rahī hai

    ye kyā vabā hai ki jis ke aage har ek sar jhukā huā hai

    vo āsmānoñ pe jaane vaale vo chāñd se miTTī laane vaale

    na jaane ab vo kahāñ ga.e haiñ har ek ghar meñ chhupā huā hai

    vo sab missile ye saare atom bas ik corona maar nikle

    ab aise aalam meñ dekh leñ sab ki chiin kaise DaTā huā hai

    ye vā.izoñ ke tamām ḳhutbe hamārī mushkil hal nahīñ haiñ

    ab is ko ḳhud ham hal kareñge ye mas.ala jo banā huā hai

    na koī bhī ham pe pahra-zan hai ki ham kahīñ aa.eñ aur na jaa.eñ

    har ek insān apne ghar meñ ḳhud apnā qaidī banā huā hai

    koī baḌā ho ki ho chhoTā koī gadā ho ki bādshah ho

    is ibtilā kamāl ye hai ki sab ko yaksāñ kiyā huā hai

    sivā.e ḳhāmosh chāñd tāroñ ke in ḳhalāoñ meñ kuchh nahīñ hai

    ye zindagī raunaqeñ haiñ ki jin se mela sajā huā hai

    ye kyā ġhazab hai ki muddatoñ se ḳhizāñ gulshan meñ ḳhema-zan hai

    jo mausam-e-gul kārvāñ thā vo kārvāñ kyoñ rukā huā hai

    hamārā zauq-e-suḳhan hai jaarī ise kisī shai Dar nahīñ hai

    na husn ham se alag huā hai na ishq ham se judā huā hai

    ḳhudā to un se ḳhafā hai 'aslam' jo us ke qānūn toḌte haiñ

    vagarna ham aise be-basoñ se ḳhudā bhalā kab ḳhafā huā hai

    sabhi yahan hain darida-daman sabhi ka ab haal ek sa hai

    ab aisi surat mein kis se puchhen ye kya bana hai ye kya hua hai

    kuchh is tarah se kabhi hua tha sukut-e-dar-o-rasan ka aalam

    na koi diwana sar-ba-kaf hai na koi wahshi DaTa hua hai

    maraz ye kya hai ki jis ke Dar se tamam duniya laraz rahi hai

    ye kya waba hai ki jis ke aage har ek ka sar jhuka hua hai

    wo aasmanon pe jaane wale wo chand se miTTi lane wale

    na jaane ab wo kahan gae hain har ek ghar mein chhupa hua hai

    wo sab missile ye sare atom bas ek corona ki mar nikle

    ab aise aalam mein dekh len sab ki chin kaise DaTa hua hai

    ye waizon ke tamam KHutbe hamari mushkil ka hal nahin hain

    ab is ko KHud hum hi hal karenge ye masala jo bana hua hai

    na koi bhi hum pe pahra-zan hai ki hum kahin aaen aur na jaen

    har ek insan apne ghar mein KHud apna qaidi bana hua hai

    koi baDa ho ki ya ho chhoTa koi gada ho ki baadshah ho

    is ibtila ka kamal ye hai ki sab ko yaksan kiya hua hai

    siwae KHamosh chand taron ke in KHalaon mein kuchh nahin hai

    ye zindagi ki hi raunaqen hain ki jin se mela saja hua hai

    ye kya ghazab hai ki muddaton se KHizan hi gulshan mein KHema-zan hai

    jo mausam-e-gul ka karwan tha wo karwan kyon ruka hua hai

    hamara zauq-e-suKHan hai jari ise kisi shai ka Dar nahin hai

    na husn hum se alag hua hai na ishq hum se juda hua hai

    KHuda to un se KHafa hai 'aslam' jo us ke qanun toDte hain

    wagarna hum aise be-bason se KHuda bhala kab KHafa hua hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now