soe hue zehnon mein nadida sawera hai
so.e hue zehnoñ meñ nādīda saverā hai
sūraj ke bhī ugne par har samt añdherā hai
afsurda diloñ meñ bhī armānoñ kā Derā hai
sūkhī huī shāḳhoñ par chiḌiyoñ kā baserā hai
maiñ sāf-tabī.at huuñ kuchh dil meñ nahīñ rakhtā
kyā soch ke muñh tum ne ā.īne se pherā hai
jaa.eñ to kidhar jaa.eñ bahke hue manzil se
dhūpeñ bhī ghanerī haiñ saaya bhī ghanerā hai
'jumbish' koī aa jaa.e is vaqt ḳhayāloñ meñ
tanhā.ī kā aalam hai ehsās ne gherā hai
soe hue zehnon mein nadida sawera hai
suraj ke bhi ugne par har samt andhera hai
afsurda dilon mein bhi armanon ka Dera hai
sukhi hui shaKHon par chiDiyon ka basera hai
main saf-tabiat hun kuchh dil mein nahin rakhta
kya soch ke munh tum ne aaine se phera hai
jaen to kidhar jaen bahke hue manzil se
dhupen bhi ghaneri hain saya bhi ghanera hai
'jumbish' koi aa jae is waqt KHayalon mein
tanhai ka aalam hai ehsas ne ghera hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
