soz-e-dil pas-e-wafa dard-e-jigar hai ki nahin

soz-e-dil pās-e-vafā dard-e-jigar hai ki nahīñ

jo thā masjūd-e-malā.ik vo bashar hai ki nahīñ

farsh-e-getī se sar-e-arsh pahuñchne vaale

kūcha-e-dil se tirī rāhguzar hai ki nahīñ

garm bāzār hai har samt havas-ḳhezī kā

jazba-e-ishq kā bhī dil pe asar hai ki nahīñ

jis meñ ho jalva-fagan kaun-o-makāñ kī vus.at

ahl-e-dānish meñ vo andāz-e-nazar hai ki nahīñ

soz-e-dil pas-e-wafa dard-e-jigar hai ki nahin

jo tha masjud-e-malaik wo bashar hai ki nahin

farsh-e-geti se sar-e-arsh pahunchne wale

kucha-e-dil se teri rahguzar hai ki nahin

garm bazar hai har samt hawas-KHezi ka

jazba-e-ishq ka bhi dil pe asar hai ki nahin

jis mein ho jalwa-fagan kaun-o-makan ki wusat

ahl-e-danish mein wo andaz-e-nazar hai ki nahin