soz-e-gham-e-firaq jalae to kya karun

soz-e-ġham-e-firāq jalā.e to kyā karūñ

dar-parda koī aag lagā.e to kyā karūñ

pur-kaif-o-pur-surūr zamāne kī yaad meñ

dil ġham se baar baar bhar aa.e to kyā karūñ

begāna hai vo rasm-e-vafā se ye sab durust

par ye adā bhī dil ko lubhā.e to kyā karūñ

bekār garche mashġhala-e-ishq hai magar

rah rah ke koī dil meñ samā.e to kyā karūñ

maiñ sochtā rahā ye shab-e-hijr der tak

aa.e to kyā karūñ vo na aa.e to kyā karūñ

soz-e-gham-e-firaq jalae to kya karun

dar-parda koi aag lagae to kya karun

pur-kaif-o-pur-surur zamane ki yaad mein

dil gham se bar bar bhar aae to kya karun

begana hai wo rasm-e-wafa se ye sab durust

par ye ada bhi dil ko lubhae to kya karun

bekar garche mashghala-e-ishq hai magar

rah rah ke koi dil mein samae to kya karun

main sochta raha ye shab-e-hijr der tak

aae to kya karun wo na aae to kya karun