soz-e-parwana nur-e-din-e-shama

soz-e-parvāna nūr-e-dīn-e-sham.a

tār-e-zunnār dil-nashīn-e-sham.a

qatra-e-ḳhūn-e-zaḳhm-e-parvāna

qashqa-e-tāza-e-jabīn-e-sham.a

tum bhī do ek bosa bahr-e-ḳhudā

ki hai gul-gīr bosa-chīn-e-sham.a

dāna-e-ishq bo rahā hai patañg

soḳhta garche hai zamīn-e-sham.a

merī arz-e-hayāt kā hai tuul

nafas-e-tañg vāpsīn-e-sham.a

aah parvāne kā pareshāñ duud

ban gayā zulf-e-ambarīn-e-sham.a

qadr-e-majnūñ na hogī mere ba.ad

ḳhaak jugnū ho jā-nashīn-e-sham.a

roz-e-avval se haiñ baham marbūt

dast-e-parvāna āstīn-e-sham.a

haq meñ parvāne ke hai tīr-e-shahāb

ai 'vaqār' āh-e-ātishīn-e-sham.a

soz-e-parwana nur-e-din-e-shama

tar-e-zunnar dil-nashin-e-shama

qatra-e-KHun-e-zaKHm-e-parwana

qashqa-e-taza-e-jabin-e-shama

tum bhi do ek bosa bahr-e-KHuda

ki hai gul-gir bosa-chin-e-shama

dana-e-ishq bo raha hai patang

soKHta garche hai zamin-e-shama

meri arz-e-hayat ka hai tul

nafas-e-tang wapsin-e-shama

aah parwane ka pareshan dud

ban gaya zulf-e-ambarin-e-shama

qadr-e-majnun na hogi mere baad

KHak jugnu ho ja-nashin-e-shama

roz-e-awwal se hain baham marbut

dast-e-parwana aastin-e-shama

haq mein parwane ke hai tir-e-shahab

ai 'waqar' aah-e-atishin-e-shama