aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

subh baalin pe ye kahta hua gham-KHwar aaya

Josh Malihabadi

subh baalin pe ye kahta hua gham-KHwar aaya

Josh Malihabadi

MORE BYJosh Malihabadi

    sub.h bālīñ pe ye kahtā huā ġham-ḳhvār aayā

    uTh ki fariyād-ras-e-āshiq-e-bīmār aayā

    baḳht-e-ḳhvābīda gayā zulmat-e-shab ke hamrāh

    sub.h nuur liye daulat-e-bedār aayā

    ḳhair se baaġh meñ phir ġhuncha-e-gul-rañg khilā

    shukr hai daur meñ phir sāġhar-e-sarshār aayā

    jhuum ai tishna-e-gul-bāñg nigār-e-ishrat

    ki lab-e-yār liye chashma-e-guftār aayā

    shukr-e-īzad ki vo sarḳhail-e-masīhā-nafsāñ

    zulf bar-dosh pai-e-pursish-e-bīmār aayā

    ruḳhsat ai shikva-e-qismat ki sar-e-bazm-e-nashāt

    nāsiḳh-e-mas.ala-e-andak-o-bisyār aayā

    lillāhil-hamd ki gulzār meñ hañgām-e-subūh

    hukm-e-āzādi-e-murġhān-e-giraftār aayā

    ġhuncha-e-basta chaTak jaag uThī mauj-e-sabā

    shola-e-husn bhaḌak misr bāzār aayā

    ḳhush ho ai ishq ki phir husn huā mā.il-e-nāz

    muzhda ai jins-e-mohabbat ki ḳharīdār aayā

    ai nazar shukr bajā ki khulī zulf-e-darāz

    ai sadaf aañkh uThā abr-e-guhar-bār aayā

    bādbāñ naaz se lahrā ke chalī bād-e-murād

    kārvāñ iid manā qāfila-sālār aayā

    ḳhush ho ai gosh ki jibrīl-e-tarannum chahkā

    muzhda ai chashm ki paiġhambar-e-anvār aayā

    ḳhush ho ai pīr-e-muġhāñ 'josh' huā naġhma-farosh

    muzhda ai duḳhtar-e-raz rind-e-qadah-ḳhvār aayā

    subh baalin pe ye kahta hua gham-KHwar aaya

    uTh ki fariyaad-ras-e-ashiq-e-bimar aaya

    baKHt-e-KHwabida gaya zulmat-e-shab ke hamrah

    subh ka nur liye daulat-e-bedar aaya

    KHair se bagh mein phir ghuncha-e-gul-rang khila

    shukr hai daur mein phir saghar-e-sarshaar aaya

    jhum ai tishna-e-gul-bang nigar-e-ishrat

    ki lab-e-yar liye chashma-e-guftar aaya

    shukr-e-izad ki wo sarKHail-e-masiha-nafsan

    zulf bar-dosh pai-e-pursish-e-bimar aaya

    ruKHsat ai shikwa-e-qismat ki sar-e-bazm-e-nashat

    nasiKH-e-masala-e-andak-o-bisyar aaya

    lillahil-hamd ki gulzar mein hangam-e-subuh

    hukm-e-azadi-e-murghan-e-giraftar aaya

    ghuncha-e-basta chaTak jag uThi mauj-e-saba

    shola-e-husn bhaDak misr ka bazar aaya

    KHush ho ai ishq ki phir husn hua mail-e-naz

    muzhda ai jins-e-mohabbat ki KHaridar aaya

    ai nazar shukr baja la ki khuli zulf-e-daraaz

    ai sadaf aankh uTha abr-e-guhar-bar aaya

    baadban naz se lahra ke chali baad-e-murad

    karwan id mana qafila-salar aaya

    KHush ho ai gosh ki jibril-e-tarannum chahka

    muzhda ai chashm ki paighambar-e-anwar aaya

    KHush ho ai pir-e-mughan 'josh' hua naghma-farosh

    muzhda ai duKHtar-e-raz rind-e-qadah-KHwar aaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now